Tuesday, 27 September 2016

மத்திய அரசு நிறுவனங்களில் என்ஜினீயர்களுக்கு வேலை ‘கேட்’ தேர்வு மூலம் நிரப்பப்படுகிறது

மத்திய அரசு நிறுவனங்களில் என்ஜினீயர்களுக்கு வேலை 'கேட்' தேர்வு மூலம் நிரப்பப்படுகிறது
கேட் தேர்வின் அடிப்படையில் மத்திய அரசு நிறுவனங்களில் என்ஜினீயரிங் பட்டதாரிகளுக்கு வேலைவாய்ப்பு அறிவிப்புகள் வெளியாகத் தொடங்கி உள்ளன.
ஓ.என்.ஜி.சி.
இந்திய எண்ணெய் மற்றும் இயற்கை எரிவாயு நிறுவனம் சுருக்கமான ஓ.என்.ஜி.சி. என அழைக்கப்படுகிறது. முன்னணி பொதுத்துறை நிறுவனமான இது ஆண்டுதோறும் 'கேட்' தேர்வின் அடிப்படையில் கணிசமான பணியிடங்களை நிரப்பி வருகிறது. தற்போது 2017 கேட் தேர்வின் அடிப்படையில் ஏ.இ.இ., கெமிஸ்ட், ஜியாலஜிஸ்ட், ஜியோபிசிக்ஸ்ட், மெட்டீரியல் மேனேஜ்மென்ட் ஆபீசர், புரோகிராமிங் ஆபீசர், டிரான்ஸ்போர்ட் ஆபீசர் போன்ற பணியிடங்களை நிரப்ப அறிவிப்பு வெளியிட்டு உள்ளது. பணியிடங்களின் எண்ணிக்கை இன்னும் அறிவிக்கப்படவில்லை.
மெக்கானிக்கல், சிவில், எலக்ட்ரிக்கல், எலக்ட்ரானிக்ஸ், டெலிகம்யூனிகேசன், இன்ஸ்ட்ருமென்டேசன், கெமிக்கல், புரொடக்சன், பெட்ரோலியம், மெட்டீரியல் போன்றவை சார்ந்த என்ஜினீயரிங் பிரிவுகள் மற்றும் அறிவியல் பிரிவுகளில் பட்டப்படிப்பு அல்லது முதுநிலை படிப்புகளை 60 சதவீத மதிப்பெண்களுடன் தேர்ச்சி பெற்றிருப்ப துடன், கேட் தேர்வில் வெற்றி பெறுபவர் களுக்கு பணிகள் உள்ளன.
விண்ணப்பதாரர்கள் 1-1-2017 தேதியில் 30 வயதுக்கு உட்பட்டவர்களாக இருக்க வேண்டும். அரசு விதிகளின்படி குறிப்பிட்ட பிரிவினருக்கு வயது வரம்பு தளர்வு அனுமதிக்கப்படுகிறது.
விருப்பம் உள்ளவர்கள் நடக்க இருக்கும் 'கேட்' தேர்வுக்கு விண்ணப்பிக்க வேண்டும். அதற்கான பதிவெண்ணுடன், ஓ.என்.ஜி.சி. இணையதளத்திற்கு சென்று இந்த பணிகளுக்கு விண்ணப்பிக்கலாம். மார்ச்/ ஏப்ரல் 2017-ல் இதற்கான ஆன்லைன் விண்ணப்பம் திறக்கும். கேட் தேர்வில் பெறும் மதிப்பெண்கள் அடிப்படையில் தகுதியானவர்கள், நேர்காணலுக்கு அழைக்கப்பட்டு தேர்வு செய்யப்படுவார்கள்.
கேட் தேர்வுக்கு விண்ணப்பிக்க www.gate.iitr.ernet.in என்ற இணையதளத்தையும், ஓ.என்.ஜி.சி. பணிகளுக்கு விண்ணப்பிக்க www.ongcindia.com என்ற இணைய தளத்தையும் பார்க்க லாம். கேட் தேர்வுக்கு 4-10-2016-ந் தேதிக்குள் விண்ணப்பிக்க வேண்டும்.
இந்தியன் ஆயில்
இந்தியன் ஆயில் நிறுவனம் உலக அளவில் சிறந்த 500 நிறுவனங்களின் பட்டியலில் இடம் பிடித்த இந்திய பொதுத்துறை நிறுவனமாகும். தற்போது இந்த நிறுவனத்தில் கிராஜூவேட் என்ஜினீயர் பணியிடங்கள் 'கேட்' தேர்வின் அடிப்படையில் நிரப்பப்படுகிறது.
குறிப்பிட்ட பிரிவுகளில் என்ஜினீயரிங்/ பி.டெக் மற்றும் அறிவியல் பாடங்களில் படித்து, கேட் தேர்வு எழுதுபவர்கள் இந்த பணிகளுக்கு விண்ணப்பிக்கலாம். விண்ணப்பதாரர் 30-6-2017 தேதியில் 26 வயதுக்கு உட்பட்டவர்களாக இருக்க வேண்டும். 5-1-2017-க்குப் பிறகு இந்தியன் ஆயில் இணையதளத்தில் இதற்கான விண்ணப்பம் செயல்பாட்டிற்கு வரும்.
இது பற்றிய கூடுதல் விவரங்களை www.iocl.com என்ற இணையதளத்தில் பார்க்கலாம்.


No comments:

Post a Comment