Thursday, 25 August 2016

பெரியார் பல்கலை. சார்பில் ஆக. 27-இல் வேலைவாய்ப்பு முகாம்

பெரியார் பல்கலை. சார்பில் ஆக. 27-இல் வேலைவாய்ப்பு முகாம்
பெரியார் பல்கலைக்கழகம் சார்பில், வரும் 27-ஆம் தேதி பல்வேறு நிறுவனங்கள் கலந்துகொள்ளும் மெகா வேலைவாய்ப்பு முகாம் நடத்தப்பட உள்ளதாக துணை வேந்தர் சி.சுவாமிநாதன் தெரிவித்தார்.
 இதுகுறித்து அவர் வெளியிட்டுள்ள செய்தி: பெரியார் பல்கலைக்கழக வாழ்வியப் பணி வழிகாட்டி மற்றும் பணியமர்த்த மையம், ஏ.வி.எஸ். சக்தி கைலாஷ் கல்வி நிறுவனங்கள் இணைந்து மெகா வேலைவாய்ப்பு முகாமை சேலம் சின்னக்கவுண்டாபுரம் பகுதியில் உள்ள ஏ.வி.எஸ். தொழில்நுட்பக் கல்லூரியில் நடத்துகிறது.
 பல்வேறு பன்னாட்டு நிறுவனங்களான ஹெச்.சி.எல். டேலண்ட் கேர்-கேப்ஜெமினி, ஏசெஸ் ஹெல்த், ஹிந்துஜா குளோபல் சொல்யூசன்ஸ், பொலாரிஸ், அன்வைன்ட் லேப், ஹெச்.சி.எஸ், நவிவ் மெடிகேமெண்ட், யுரேகா போர்ப்ஸ், ஈகுவ்டாஸ், குளோபல் இன்னோவ், யுடிஎல் டெக்னாலஜிஸ், பஸ்ட் அமெரிக்கன் போன்ற நிறுவனங்கள் இதில் கலந்துகொள்கின்றன.
 இந்த முகாமில் கலந்துகொள்ள விரும்பும் மாணவ-மாணவியர் இணையவழி மூலம் பதிவு செய்து கொள்ளலாம். பிஎஸ்சி (கணினி அறிவியல், ஐடி, எலக்ட்ரானிக்ஸ், கணிதம், இயற்பியல், புள்ளியல் மற்றும் பிசிஏ), 2015 மற்றும் 2016 ஆண்டில் தேர்ச்சி பெற்ற பிஎஸ்சி (அனைத்து பாடப் பிரிவுகளும்) பி.காம், பிபிஏ ஆகிய பாடங்களை பயின்ற மாணவியர் இந்த வேலைவாய்ப்பு முகாமில் கலந்து கொள்ளலாம்.
 மேலும் விவரங்களுக்கு, பெரியார் பல்கலைக்கழக வாழ்வியப் பணி வழிகாட்டி மற்றும் பணியமர்த்த மைய இயக்குநர் பேராசிரியர் ஆர்.வெங்கடாசலபதியை 8220606572, 9150158111 செல்லிடப்பேசியிலும், ஏ.வி.எஸ். மற்றும் சக்தி கைலாஷ் கல்வி நிறுவன வேலைவாய்ப்பு அலுவலர்கள் பி.மணிகண்டன்-9486517743, ஆர்.ஜெயகுமார்-9698953790 செல்லிடப்பேசியிலும் அலுவலக நேரத்தில் தொடர்பு கொள்ளலாம் என தெரிவிக்கப்பட்டுள்ளது.


No comments:

Post a Comment