Monday, 11 December 2017

தட்டச்சு, சுருக்கெழுத்து தேர்வில் மறுமதிப்பீடு, விடைத்தாள் நகல் வழங்கும் முறை அறிமுகம் அடுத்த ஆண்டிலிருந்து அமல்படுத்த தொழி்ல்நுட்பக் கல்வித் துறை முடிவு


தட்டச்சு, சுருக்கெழுத்து தேர்வில் மறுமதிப்பீடு, விடைத்தாள் நகல் வழங்கும் முறை அறிமுகம் அடுத்த ஆண்டிலிருந்து அமல்படுத்த தொழி்ல்நுட்பக் கல்வித் துறை முடிவு | தட்டச்சு, சுருக்கெழுத்து தேர்வுகளில் மறுமதிப்பீடு மற்றும் விடைத்தாள் நகல் வழங்கும் புதிய நடைமுறையை அடுத்த ஆண்டு பிப்ரவரி முதல் அறிமுகப்படுத்த தொழில்நுட்பக் கல்வித் துறை முடிவு செய்துள்ளது. தொழில்நுட்பக் கல்வி இயக்ககம் சார்பில் தட்டச்சு, சுருக்கெழுத்து (தமிழ், ஆங்கிலம்) மற்றும் கணக்கியல் தேர்வுகள் ஆண்டுதோறும் நடத்தப்படுகின்றன. கீழ்நிலை, மேல்நிலை, அதிவேகம் என வெவ்வேறு நிலைகளில் ஆண்டுக்கு 2 தடவை (பிப்ரவரி, ஆகஸ்டு) நடைபெறும் இத்தேர்வுகளில் சுமார் 3 லட்சம் மாணவ-மாணவிகள் பங்கேற்கிறார்கள். இத்தேர்வுகளில் தேர்ச்சி பெறுவது சம்பந்தப்பட்ட பிரிவுகளில் அரசு வேலையில் சேர மட்டுமின்றி பொதுவான அரசுப் பணிகளுக்கு இவை கூடுதல் மற்றும் விரும்பத்தக்க தகுதிகளாக கருதப்படுகின்றன. இதைத்தொடர்ந்து, தற்போது தட்டச்சு படிக்கும் ஆர்வம் பள்ளி, கல்லூரி மாணவர்கள் மத்தியில் அதிகரித்து வருகிறது. தமிழகம் முழுவதும் ஏறத்தாழ 3 ஆயிரம் தட்டச்சு, சுருக்கெழுத்துத் தேர்வு பயிற்சி நிறுவனங்கள் இயங்கி வருகின்றன. தட்டச்சு, சுருக்கெழுத்து தேர்வெழுதும் மாணவர்கள், பிளஸ் 2 தேர்வு மற்றும் டிப்ளமா, பல்கலைக்கழக தேர்வுகளைப் போன்று விடைத்தாள் நகல் பெற முடியாது. மறுமதிப்பீடும் செய்ய இயலாது. (எஸ்எஸ்எல்சி தேர்வில் விடைத்தாள் நகல் பெறலாம்.மறுகூட்டல் செய்யலாம். ஆனால், மறுமதிப்பீட்டுக்கு விண்ணப்பிக்க முடியாது) தட்டச்சு, சுருக்கெழுத்து, கணக்கியல் தேர்வுகளுக்கு மற்ற தேர்வுகளைப் போன்று விடைத்தாள் நகல் வழங்க வேண்டும், மறுமதிப்பீடு செய்ய வாய்ப்பு அளிக்கப்பட வேண்டும் என்று தட்டச்சு, சுருக்கெழுத்து பயிற்சி நிறுவனங்களின் நிர்வாகிகள், தொழில்நுட்பக் கல்வி இயக்ககத்திடம் தொடர்ந்து வேண்டுகோள் விடுத்து வந்தனர். இந்த நிலையில், அவர்களின் வேண்டுகோளை ஏற்று தட்டச்சு, சுருக்கெழுத்து, கணக்கியல் தேர்வுகளில், விடைத்தாள் நகல் வழங்கும் முறை மற்றும் மறுமதிப்பீடு முறையை நடைமுறைப்படுத்த தமிழக அரசு முடிவு செய்துள்ளது. இதற்கான உத்தரவை உயர்கல்வித் துறை முதன்மைச் செயலர் சுனில் பாலிவால் பிறப்பித்துள்ளார். விடைத்தாள் நகல் பெற ரூ.150-ம், தட்டச்சு (தமிழ், ஆங்கிலம்) தேர்வில் மறுமதிப்பீட்டுக்கு விண்ணப்பிக்க ரூ.400-ம், சுருக்கெழுத்து (தமிழ், ஆங்கிலம்) மற்றும் கணக்கியல் தேர்வு மறுமதிப்பீட்டுக்கு ரூ.500-ம் வசூலிக்க முடிவு செய்யப்பட்டுள்ளது. இந்த புதிய முறையானது அடுத்த ஆண்டு பிப்ரவரி மாதத் தேர்விலிருந்து அறிமுகப்படுத்தப்பட இருப்பதாக மாநில தொழில்நுட்பக் கல்வி ஆணையர் ஆர்.பழனிசாமி தெரிவித்தார். இதன்மூலம் அடுத்த ஆண்டு முதல் நடைபெறும் தட்டச்சு, சுருக்கெழுத்து, கணக்கியல் தேர்வில் கலந்துகொள்ளும் மாணவர்கள் தங்கள் விடைத்தாள் நகலைப் பெற முடிவதுடன் மறுமதிப்பீட்டுக்கு விண்ணப்பிக்கவும் முடியும். மேலும், தங்கள் விடைத்தாள்கள் எவ்வாறு மதிப்பீடு செய்யப்பட்டு இருக்கின்றன? மதிப்பீட்டில் ஏதேனும் தவறுகள் நேர்ந்துள்ளனவா? என்பதை உறுதிபடுத்திக் கொள்ள முடிவதுடன் குறைகள் இருந்தால் மறுமதிப்பீட்டுக்கு விண்ணப்பித்து தேர்ச்சி அடையவும், கிரேடுகளை உயர்த்திக் கொள்ளவும் முடியும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய அரசு பணியில் சேர தேர்வு அறிவிப்பு



மத்திய அரசு பணியில் சேர ஆசையா? | இளைஞர்கள் தமிழக அரசு வேலையில் சேர்வதைப் போலவே, மத்திய அரசுப் பணிகளிலும் சேர்வதற்கு ஆர்வம் காட்டுகிறார்கள். மத்திய அரசுத் துறையில் பிளஸ்-2 படித்தவர்களுக்கும், பட்டப்படிப்பு படித்தவர்களுக்கும் ஆண்டு தோறும் கணிசமான பணியிடங்கள் அறிவிக்கப்பட்டு வருகின்றன. தற்போது பள்ளி உயர்நிலைக் கல்வி (பிளஸ்-2) தரத்திலான தேர்வு மூலம், மத்திய அரசுத்துறைகளில் குறிப்பிட்ட பணியிடங்களை நிரப்ப மத்திய அரசுப் பணியாளர் தேர்வாணையங்களில் ஒன்றான ஸ்டாப் செலக்சன் கமிஷன், சமீபத்தில் அறிவிப்பு வெளியிட்டு உள்ளது. இந்த அறிவிப்பு மூலம் மத்திய அரசு துறையில் இளநிலை உதவியாளர், அஞ்சலக உதவியாளர் மற்றும் டேட்டா என்ட்ரி ஆபரேட்டர் போன்ற பணியிடங்களுக்கு 3 ஆயிரத்து 259 பேர் தேர்வு செய்யப்படுகிறார்கள். 1-8-2018 தேதியில் 12-ம் வகுப்பு அல்லது அதற்கு இணையான கல்வித்தகுதி பெற்றவர்கள் விண்ணப்பிக்கலாம். இவர்கள் 27 வயதுக்கு உட்பட்டவர்களாக இருக்க வேண்டும். ஓ.பி.சி., எஸ்.சி., எஸ்.டி. பிரிவினர் மற்றும் மாற்றுத் திறனாளிகளுக்கு அரசு விதிகளின்படி வயது வரம்பு தளர்வு அனுமதிக்கப்படுகிறது. எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள். இளநிலை உதவியாளர் மற்றும் டேட்டா என்ட்ரி ஆபரேட்டர் பணிகளுக்கு பணித்திறன் தேர்வும் நடத்தப்படுகிறது. விருப்பம் உள்ளவர்கள் இணையதளம் வழியாக விண்ணப்பிக்கலாம், வருகிற 18-12-2017-ந் தேதி வரை விண்ணப்பிக்க அவகாசம் உள்ளது. விண்ணப்பிக்கும்போது ரூ.100 விண்ணப்பக் கட்டணம் செலுத்த வேண்டும். இளையதளம் வழியாகவும், ஸ்டேட் வங்கி வழியாகவும் கட்டணம் செலுத்தலாம். இதற்கான எழுத்துத் தேர்வு வருகிற மார்ச் மாதம் 4 முதல் 26-ந் தேதி வரை நடைபெறுகிறது. விரிவான விவரங்களை www.ssconline.nic.in என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசு துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணிக்கு விண்ணப்பங்கள் கோரப்பட்டு நீள்ளது.



தமிழக அரசு துறையில் தோட்டக்கலை அதிகாரி பணிகள் | தமிழக அரசு துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணிக்கு விண்ணப்பங்கள் கோரப்பட்டு நீள்ளது. இது பற்றிய விவரம் வருமாறு:- தமிழக அரசு துறைகளில் ஏற்படும் காலியிடங்களை தமிழக அரசுப் பணியாளர் தேர்வாணையமான டி.என்.பி.எஸ்.சி. நிரப்பி வருகிறது. தற்போது வேளாண் துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணியிடங்களை நிரப்ப விண்ணப்பம் கோரப்பட்டு உள்ளது. மொத்தம் 130 பேர் தேர்வு செய்யப் படுகிறார்கள். இதில் தோட்டக்கலை அதிகாரி பணிக்கு 30 இடங்களும், தோட்டக்கலை உதவி இயக்குனர் பணிக்கு 100 இடங்களும் உள்ளது குறிப்பிடத்தக்கது. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு: விண்ணப்பதாரர்கள் 30 வயதுக்கு உட்பட்டவர்களாக இருக்க வேண்டும். பிஎச்.டி. படித்தவர்கள் 32 வயதுடையவர்களாக இருந்தாலும் விண்ணப்பிக்கலாம். எஸ்.சி., எஸ்.சி.(ஏ.), எஸ்.டி., எம்.பி.சி., டி.சி., பி.சி., பி.சி.எம்., பிரிவினருக்கு உச்ச வயது வரம்பு தடையில்லை. கல்வித்தகுதி: தோட்டக்கலை தொடர்பான இளநிலை, முதுநிலை பட்டப்படிப்பு மற்றும் பிஎச்.டி. படித்தவர்களுக்கு வாய்ப்பு உள்ளது. தோட்டக்கலை அதிகாரிக்கு தோட்டக்கலை பட்டப்படிப்பு படித்திருந்தால் விண்ணப்பிக்கலாம். தேர்வு செய்யும் முறை: எழுத்துத் தேர்வு மற்றும் நேர்காணல் அடிப்படையில் தகுதியானவர்கள் தேர்வு செய்யப்படுகிறார்கள். கட்டணம் : விண்ணப்பதாரர்கள் விண்ணப்ப கட்டணமாக ரூ.150, தேர்வுக் கட்டணமாக ரூ.200 செலுத்த வேண்டும். ஒன்டைம் ரிஜிஸ்ட்ரேசன் முறையில் விண்ணப்பிப்பவர்கள் விண்ணப்பக் கட்டணம் செலுத்த வேண்டியதில்லை. எஸ்.சி., எஸ்.டி. பிரிவினர், மாற்றுத் திறனாளிகள், விதவைகள் தேர்வுக் கட்டணம் செலுத்த வேண்டியதில்லை. விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் : 27-12-2017-ந்தேதியாகும். விண்ணப்பிக்கவும், இது பற்றிய விரிவான விவரங்களை தெரிந்து கொள்ளவும் www.tnpscexams.in என்ற இணையதள பக்கத்தைப் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ராணுவத்தில் நர்சிங் பயிற்சியுடன் பணி பெண்கள் மட்டும் விண்ணப்பிக்கலாம்


ராணுவத்தில் நர்சிங் பயிற்சியுடன் பணி பெண்கள் மட்டும் விண்ணப்பிக்கலாம் | ராணுவத்தில் நர்சிங் பயிற்சியுடன் கூடிய பணிக்கு இளம் பெண்கள் சேர்க்கப்படுகிறார்கள். இது பற்றிய விவரம் வருமாறு:- இந்திய ராணுவம் நாட்டின் பாதுகாப்பு அரணாக விளங்கி வருகிறது. பல்வேறு சிறப்பு பயிற்சிகளின் அடிப் படையில் தகுதியான இளைஞர்கள் ராணுவத்தில் சேர்க்கப்பட்டு பயிற்சிக்குப் பின் பணி நியமனம் செய்யப்பட்டு வருகிறார்கள். தற்போது பிளஸ்-2 படித்த பெண்களை, நர்சிங் பயிற்சி அளித்து ராணுவப் பணியில் அமர்த்திக் கொள்ளும் 'பி.எஸ்சி. நர்சிங் கோர்ஸ்-2018' பயிற்சி சேர்க்கை அறிவிப்பு வெளியாகி உள்ளது. இந்த பயிற்சியில் சேர்பவர்கள், 4 ஆண்டு பி.எஸ்சி நர்சிங் படிப்பதுடன் அதற்கான சான்றிதழ் பெறலாம். அத்துடன், ராணுவ பணி வாய்ப்பையும் பெற முடியும். இந்திய குடியுரிமை பெற்ற திரு மணமாகாத இளம் பெண்கள் மட்டும் இந்த பயிற்சியில் சேரலாம். அவர்கள் பெற்றிருக்க வேண்டிய தகுதி விவரத்தை இனி பார்க்கலாம்... வயது வரம்பு : விண்ணப்பதாரர்கள் 1-10-1993 மற்றும் 30-9-2001-ந் தேதிக்கு இடைப்பட்ட காலத்தில் பிறந்தவர்களாக இருக்க வேண்டும். கல்வித் தகுதி: பிளஸ்-2 படிப்பை முதல் முயற்சியிலேயே தேர்ச்சி பெற்றவர்கள் விண்ணப்பிக்கலாம். இவர்கள் இயற்பியல், வேதியியல், உயிரியியல், பாடங்கள் அடங்கிய பிரிவில் படித்து குறைந்தபட்சம் 50 சதவீத மதிப்பெண்களுடன் தேர்ச்சி பெற்றிருக்க வேண்டும். தேர்வு செய்யும் முறை: விண்ணப்பதாரர்கள் எழுத்துத் தேர்வு, நேர்காணல், உடல் தகுதித் தேர்வு, மருத்துவ பரிசோதனை ஆகியவற்றுக்கு உட்படுத்தப்பட்டு தரவரிசைப் பட்டியல் அடிப்படையில் தகுதியானவர்கள் பயிற்சியில் சேர்த்துக் கொள்ளப்படுவார்கள். அவர்கள் 4 ஆண்டு காலம் நர்சிங் பயிற்சி பெற்ற பின், பணி நியமனம் பெறலாம். விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். குறிப்பிட்ட கட்டணம் செலுத்த வேண்டும். இது பற்றிய விவரங்கள் www.joinindianarmy.nic.in என்ற இணையதளத்தில் வெளியாகி உள்ளது. அதில் விரிவான விவரங்களைப் பார்த்துவிட்டு விண்ணப்பம் சமர்ப்பிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

இந்திய ரெயில்வே துறையில் 2835 அப்ரண்டிஸ் பயிற்சிப் பணிகள்


இந்திய ரெயில்வே துறையில் 2835 அப்ரண்டிஸ் பயிற்சிப் பணிகள் | இந்திய ரெயில்வே துறையின் பல்வேறு மண்டலங்களிலும் 2835 அப்ரண்டிஸ் பயிற்சிப் பணியிடங்கள் அறிவிக்கப்பட்டுள்ளன. இது பற்றிய விரிவான விவரம் வருமாறு:- இந்தியாவின் மிகப்பெரிய பொதுத்துறை நிறுவனம் இந்திய ரெயில்வே. தற்போது ரெயில்வே துறையின் பல்வேறு மண்டலங்களில் அப்ரண்டிஸ் பயிற்சிப் பணியிடங்கள் அறிவிக்கப்பட்டு உள்ளன. தென்கிழக்கு ரெயில்வே மண்டலத்தில் 1785 பேரும், தென்கிழக்கு மத்திய மண்டலத்தில் 1050 பேரும் தேர்வு செய்யப்படுகிறார்கள். இது தவிர மத்திய மண்டலத்தில் அப்ரண்டிஸ் அல்லாத அலுவலக பணிகளுக்கும் 275 பேர் தேர்வு செய்யப்படுகிறார்கள். சென்னையை தலைமையிடமாகக் கொண்ட தெற்கு மண்டலத்தில் விளையாட்டு ஒதுக்கீட்டின்படி 20 பணியிடங்கள் நிரப்பப்படுகிறது. இவை பற்றிய விவரங்களை அறிவோம்... தென்கிழக்கு மண்டலத்தில் உள்ள 1785 பணியிடங்களில் காரக்பூர் பணிமனைக்கு 360 பேரும், கேரேஜ் பிரிவில் 121 பேரும், என்ஜினீயரிங் ஒர்க்‌ஷாப் பிரிவில் 100 பேரும் தேர்வு செய்யப்படுகிறார்கள். சிக்னல் டெலிகாம் ஒர்க்‌ஷாப், டிராக் மெஷின், டீசல் லோகோ ஷெட், எலக்ட்ரிக் லோகோ ஷெட், கேரேஜ் வேகன் டெப்போ, டி.இ.இ., எஸ்.எஸ்.இ. போன்ற பிரிவில் பணியிடங்கள் உள்ளன. இந்த பணிகளுக்கு 1-1-2018 தேதியில் 24 வயதுக்கு உட்பட்டவர்கள் விண்ணப்பிக்கலாம். அரசு விதிகளின்படி குறிப்பிட்ட பிரிவினருக்கு வயது வரம்பு தளர்வு அனுமதிக்கப்படு கிறது. 10-ம் வகுப்பு, 12-ம் வகுப்பு தேர்ச்சியுடன், ஐ.டி.ஐ. படித்தவர்கள் விண்ணப்பிக்கலாம். விருப்பமும், தகுதியும் உள்ளவர்கள் ரூ.100 கட்டணம் செலுத்தி, இணையதள விண்ணப்பத்தை சமர்ப்பிக்கலாம். 2-1-2018-ந் தேதி வரை இதற்கான விண்ணப்பம் செயல்பாட்டில் இருக்கும். இது பற்றிய விவரங்களை www.ser.indianrailways.gov.in என்ற இணையதளத்தில் பார்க்கலாம். தென்கிழக்கு மத்திய மண்டலத்தில் பிலாஸ்பூர் பிராந்தியத்தில் 432 பேரும், நாக்பூர் பிராந்தியத்தில் 313 பேரும், ராய்ப்பூர் பகுதியில் 305 பேரும் பயிற்சிப் பணிக்கு சேர்க்கப்படுகிறார்கள். மெக்கானிக், ஸ்டெனோகிராபர், எலக்ட்ரீசியன், வயர்மேன், ஷீட் மெட்டல் ஒர்க்கர், வெல்டர், பிளம்பர், மாசன், பெயிண்டர், கார்பெண்டர், பிட்டர், மெஷினிஸ்ட், டர்னர், சர்வேயர் உள்ளிட்ட பிரிவில் பணியிடங்கள் உள்ளன. 10,12-ம் வகுப்பு படித்து, பணியிடங்கள் சார்ந்த பிரிவில் ஐ.டி.ஐ. படித்தவர்கள் விண்ணப்பிக்கலாம். விண்ணப்பதாரர் 24 வயதுடையவர்களாக இருக்க வேண்டும். விருப்பமுள்ளவர்கள் www.secr.indianrailways.gov.in என்ற இணையதளம் வழியாக விரிவான விவரங்களைப் பார்த்துவிட்டு விண்ணப்பம் சமர்ப்பிக்கலாம். விண்ணப்பிக்க கடைசி நாள் 27-12-2017-ந் தேதியாகும். அப்ரண்டிஸ் பயிற்சி அல்லாமல் மும்பையை தலைமை இடமாக கொண்ட மத்திய ரெயில்வே மண்டலத்தில் அலுவலக பணியிடங்களுக்கு விண்ணப்பம் கோரப்பட்டு உள்ளது. ஜூனியர் கிளார்க், டைப்பிஸ்ட் பணிக்கு 150 பேரும், கூட்ஸ் கார்டு பணிக்கு 125 பேரும், தேர்வு செய்யப்படுகிறார்கள். ஜூனியர் கிளார்க் மற்றும் டைப்பிஸ்ட் பணியிடங்களுக்கு 42 வயதுக்கு உட்பட்டவர்கள் விண்ணப்பிக்கலாம். இவர்கள் பிளஸ்-2 படித்திருப்பதுடன், குறிப்பிட்ட வேகத்தில் தட்டச்சு செய்யும் திறன் பெற்றிருக்க வேண்டும். கணினி அடிப்படையிலான தேர்வு, தட்டச்சு திறன் சோதனை, சான்றிதழ் சரிபார்த்தல், மருத்துவ பரிசோதனை ஆகியவற்றின் அடிப்படையில் தகுதியானவர்கள் சேர்க்கப்படுகிறார்கள். விருப்பமுள்ளவர்கள் இந்த பணிகளுக்கு 30-12-2017-ந் தேதிக்குள் விண்ணப்பம் சமர்ப்பிக்க வேண்டும். இதேபோல் கூட்ஸ் கார்டு பணிக்கு பட்டப்படிப்பு படித்த, 42 வயதுக்கு உட்பட்ட விண்ணப்பதாரர்களிடம் இருந்து விண்ணப்பம் கோரப்பட்டு உள்ளது. இவர்கள் www.rrccr.com என்ற இணையதளத்தில் முழுமையான விவரங்களைப் பார்த்துவிட்டு 30-12-2017-ந் தேதிக்குள் விண்ணப்பம் சமர்ப்பிக்கலாம். இதேபோல தெற்கு ரெயில்வேயில் விளையாட்டு ஒதுக்கீட்டின் அடிப்படையில் 20 பேருக்கு பணியிடங்கள் அறிவிக்கப்பட்டு உள்ளது. பிளஸ்-2 மற்றும் பட்டப்படிப்பு படித்து, விளையாட்டில் சாதித்தவர்கள் இந்த வாய்ப்பை பயன்படுத்தி ரெயில்வே பணியைப் பெறலாம். இது பற்றிய விவரங்களை www.rrcmas.in என்ற இணையதள பக்கத்தில் பார்த்துவிட்டு விண்ணப்பிக்கலாம். விண்ணப்பிக்க கடைசி நாள் 18-12-2017-ந் தேதி கடைசி நாளாகும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 4 December 2017

FIND TEACHER POST | தமிழகத்தில் உள்ள தனியார் பள்ளிகளின் தற்போதைய காலிபணியிடங்கள் வெளியிடப்பட்டுள்ளது.




FIND TEACHER POST | தமிழகத்தில் உள்ள தனியார் பள்ளிகளின் தற்போதைய காலிபணியிடங்கள் வெளியிடப்பட்டுள்ளது. வேலை தேடும் ஆசிரிய பட்டதாரியா நீங்கள்? உங்கள் திறமைக்கு தகுந்த வேலை வேண்டுமா? அரசு உதவி பெரும் பள்ளிகளின் காலிபணியிடங்கள் பற்றிய விவரங்கள் வேண்டுமா? ஆசிரிய படிப்பு முடித்தவரா நீங்கள்? அனைத்து கேள்விகளுக்கும் ஒரே தீர்வு FIND TEACHER POST (WWW.FINDTEACHERPOST.COM) ல் உங்களை பதிவு செய்து கொள்ளுங்கள். முற்றிலும் இலவசமான பட்டதாரி ஆசிரியர்களுக்கென்றே தனியாக உருவாக்கப்பட்ட www.findteacherpost.com தனியார் பள்ளிகளின் காலிபணியிடங்கள் பற்றிய விவரங்களை ஒவ்வொரு மாதமும் பதிவு செய்துள்ள ஆசிரிய பட்டதாரிகளுக்கு மின்னஞ்சல் மூலமாக அனுப்பி வருகிறது.  | DOWNLOAD  
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 15 November 2017

COMBINED CIVIL SERVICES EXAMINATION-IV(GROUP-IV) முதல்முறையாக குரூப் 4, விஏஓ தேர்வுகள் ஒருங்கிணைப்பு 9,351 காலி பணியிடங்களை நிரப்ப பிப்.11-ல் டிஎன்பிஎஸ்சி போட்டி தேர்வு


COMBINED CIVIL SERVICES EXAMINATION-IV(GROUP-IV) முதல்முறையாக குரூப் 4, விஏஓ தேர்வுகள் ஒருங்கிணைப்பு 9,351 காலி பணியிடங்களை நிரப்ப பிப்.11-ல் டிஎன்பிஎஸ்சி போட்டி தேர்வு | இளநிலை உதவியாளர், தட்டச்சர், கிராம நிர்வாக அலுவலர் உள்ளிட்ட பதவிகளில் பிப்ரவரி 11-ம் தேதி போட்டித் தேர்வு நடத்தப்படும் என டிஎன்பிஎஸ்சி அறிவித்துள்ளது. இத்தேர்வுக்கான குறைந்தபட்ச கல்வித்தகுதியான 10-ம் வகுப்பை தமிழ் வழியில் படித்தவர்களுக்கு 20 சதவீத இடஒதுக்கீடு அளிக்கப்பட்டு இருக்கிறது. இதுதொடர்பாக டிஎன்பிஎஸ்சி செயலாளர் மா.விஜயகுமார் வெளியிட்ட அறிவிப்பில் கூறியிருப்பதாவது: கிராம நிர்வாக அலுவலர் பதவியில் 494 காலியிடங்கள், இளநிலை உதவியாளர் பதவிக்கு 4,301, வரித்தண்டலர் பதவிக்கு 48, நில அளவர் பதவிக்கு 74, வரைவாளர் பதவிக்கு 156, தட்டச்சர் பதவிக்கு 3,463, சுருக்கெழுத்து தட்டச்சர் பதவிக்கு 815 என மொத்தம் 9,351 காலியிடங்களை நிரப்புவதற்காக ஒருங்கிணைந்த குரூப்-4 போட்டித் தேர்வு பிப்ரவரி மாதம் 11-ம் தேதி தமிழகம் முழுவதும் பல்வேறு மையங்களில் நடத்தப்பட இருக்கிறது. இத்தேர்வுக்கான குறைந்தபட்ச கல்வித்தகுதி எஸ்எஸ்எல்சி தேர்ச்சி ஆகும். தட்டச்சர் மற்றும் சுருக்கெழுத்து தட்டச்சர் பதவிகளுக்கு மட்டும் கூடுதலாத குறிப்பிட்ட தொழில்நுட்ப தேர்வுகளில் தேர்ச்சி பெற்றிருக்க வேண்டும். தேர்வுக்கான தகுதிகள், வயது வரம்பு, தேர்வுமுறை, கட்டணச் சலுகை, பாடத்திட்டம், விண்ணப்பிக்கும் முறை, தேர்வுக் கட்டணம் உள்ளிட்ட விவரங்களை டிஎன்பிஎஸ்சி இணையதளத்தில் (www.tnpsc.gov.in) விளக்கமாக தெரிந்து கொள்ளலாம். டிஎன்பிஎஸ்சி இணையதளத்தைப் பயன்படுத்தி டிசம்பர் 13-ம் தேதிக்குள் ஆன்லைன் மூலமாக விண்ணப்பிக்க வேண்டும். விண்ணப்பதாரர்கள் எழுத்துத்தேர்வு அடிப்படையில் தேர்வு செய்யப்படுவார்கள் (நேர்முகத் தேர்வு கிடையாது). தமிழ் வழியில் படித்தவர்களுக்கு தமிழக அரசு பணிகளில், 20 சதவீத இடஒதுக்கீடு அளிக்கப்படுகிறது. இந்த இடஒதுக்கீடு ஒருங்கிணைந்த குரூப்-4 தேர்வு நியமனங்களுக்கும் பொருந்தும். இவ்வாறு அவர் கூறியுள்ளார். வழக்கமாக, டிஎன்பிஎஸ்சி குரூப்-4 தேர்வும், விஏஓ தேர்வும் தனித்தனியாக நடத்தப்படுவது வழக்கம். தற்போது முதல்முறையாக இரு தேர்வுகளும் சேர்த்து ஒருங்கிணைந்த தேர்வாக நடத்தப்பட உள்ளன என்பது குறிப்பிடத்தக்கதுDOWNLOAD | HELPCENTRE

விரிவாக படிக்க இங்கே கிளிக் செய்யுங்கள் | READ MORE | CLICK HERE

EXECUTIVE OFFICER,GRADE-I INCLUDED IN GROUP-VII-A SERVICES. | இந்து சமய அறநிலைய ஆட்சித்துறையில் செயல் அலுவலர் (கிரேடு-1) பதவியில் 4 காலியிடங்களை நிரப்பவும் டிஎன்பிஎஸ்சி அறிவிப்பு வெளியிட்டிருக்கிறது.


EXECUTIVE OFFICER,GRADE-I INCLUDED IN GROUP-VII-A SERVICES. | இந்து சமய அறநிலைய ஆட்சித்துறையில் செயல் அலுவலர் (கிரேடு-1) பதவியில் 4 காலியிடங்களை நிரப்பவும் டிஎன்பிஎஸ்சி அறிவிப்பு வெளியிட்டிருக்கிறது. இந்த பணிக்கு பி.எல். பட்டதாரிகள் விண்ணப்பிக்கலாம். இதற்கான எழுத்துத்தேர்வு ஜனவரி 20 மற்றும் 21-ம் தேதியில் நடைபெற உள்ளது. இத்தேர்வுக்கு டிசம்பர் 13-ம் தேதிக்குள் ஆன்லைனில் விண்ணப்பிக்க வேண்டும் என்று டிஎன்பிஎஸ்சி அறிவித்துள் ளதுDOWNLOAD | DETAILS

விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 8 November 2017

TNPSC Junior Scientific Officer Appointment Counselling Announced | இளநிலை தடயவியல் அலுவலர் கலந்தாய்வு 10.11.2017 அன்று தமிழ்நாடு அரசுப் பணியாளர் தேர்வாணைய அலுவலகத்தில் நடைபெற உள்ளது


TNPSC Junior Scientific Officer Appointment Counselling Announced | இளநிலை தடயவியல் அலுவலர் கலந்தாய்வு 10.11.2017 அன்று தமிழ்நாடு அரசுப் பணியாளர் தேர்வாணைய அலுவலகத்தில் நடைபெற உள்ளது | TAMIL NADU PUBLIC SERVICE COMMISSION PRESS RELEASE | The Tamil Nadu Public Service Commission in its notification dated 29.07.2016 had invited applications from eligible candidates for appointment by direct recruitment for 30 vacancies in the Post of Junior Scientific Officer in the Tamil Nadu Forensic Sciences Subordinate Service, 2013-2015. The Oral Test for the said post was held on 25.10.2017. The Counselling has been scheduled to be held in the office of the Tamil Nadu Public Service Commission, Frazer Bridge Road, V.O.C. Nagar, Chennai-600003 on 10.11.2017. A total no. of 53 candidates have been called for the Counselling. The Ranking List for the said post has been published in the Commission's website (i.e., www. tnpsc.gov. in). The Notice of Counselling has been sent to all the candidates through Speed Post. If the candidates fail to appear for Counselling on the said date, they will not be given any further chance to appear for the same. | தமிழ்நாடு தடயவியல் அறிவியல் சார்நிலைப் பணிகளில் 2013 -2015 ஆம் ஆண்டிற்கான, இளநிலை தடயவியல் அலுவலர் பதவிக்குரிய 30 காலிப்பணியிடங்களுக்கு தகுதியான விண்ணப்பதாரர்களைத் தெரிவு செய்யும்பொருட்டு தமிழ்நாடு அரசுப் பணியாளர் தேர்வாணையம், 29.07.2016-ஆம் நாளிட்ட அறிவிக்கையின் வாயிலாக விண்ணப்பதாரர்களிடமிருந்து விண்ணப்பங்கள் வரவேற்கப்பட்டன. மேற்காணும் பதவிக்கான நேர்காணல் தேர்வு 25.10.2017 அன்று நடைபெற்றது. இப்பதவிக்கான கலந்தாய்வு 10.11.2017 அன்று சென்னை பிரேசர் பாலச் சாலையில் அமைந்துள்ள தமிழ்நாடு அரசுப் பணியாளர் தேர்வாணைய அலுவலகத்தில் நடைபெற உள்ளது. மொத்தம் 53 விண்ணப்பதாரர்கள் கலந்தாய்வுக்கு அழைக்கப்பட்டுள்ளனர். இப்பதவிக்கான தரவரிசை பட்டியல் தேர்வாணைய இணையதளத்தில் (www.tnpsc.gov.in) வெளியிடப்பட்டுள்ளது. கலந்தாய்விற்கான அழைப்பாணை அனைத்து விண்ணப்பதாரர்களுக்கும் விரைவு அஞ்சல் மூலம் அனுப்பப்பட்டுள்ளது. மேலே குறிப்பிடப்பட்டுள்ள நாளில் நடைபெறவிருக்கும் கலந்தாய்வில் கலந்துகொள்ளத் தவறும் விண்ணப்பதாரர்களுக்கு மறு வாய்ப்பு வழங்கப்படமாட்டது என்றும் தெரிவிக்கப்படுகிறது. செயலாளர் தமிழ்நாடு அரசுப் பணியாளர் தேர்வாணையம் | CLICK HERE

விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 6 November 2017

இந்தியன் ஆயில் நிறுவனத்தில் 221 வேலைவாய்ப்புகள் அறிவிக்கப்பட்டுள்ளன.


இந்தியன் ஆயில் நிறுவனத்தில் 221 பணிகள் | இந்தியன் ஆயில் நிறுவனத்தில் 221 வேலைவாய்ப்புகள் அறிவிக்கப்பட்டுள்ளன. இது பற்றிய விரிவான விவரம் வருமாறு:-இந்திய எண்ணெய் கழக நிறுவனம் சுருக்கமாக ..சி.எல். என அழைக்கப்படுகிறது. தற்போது இதன் சுத்திகரிப்பு ஆலைகளில் பாய்லர் ஆபரேசன் என்ஜினீயர், குவாலிட்டி கண்ட்ரோல் ஆபீசர், பயர் அண்ட் சேப்டி ஆபீசர், மெடிக்கல் ஆபீசர், ஹியூமன் ரிசோர்ஸ் ஆபீசர், அசிஸ்டன்ட் இந்தி ஆபீசர், மிட் லெவல் என்ஜினீயர் போன்ற பணியிடங்களை நிரப்ப அறிவிப்பு வெளியாகி உள்ளது. மொத்தம் 221 பேர் தேர்வு செய்யப்படுகிறார்கள். இதில் அதிகபட்சமாக எச்.ஆர். பிரிவில் 50 பணியிடங்களும், பயர் அண்ட் சேப்டி ஆபீசர் பிரிவில் 50 இடங்களும், குவாலிட்டி கண்ட்ரோல் ஆபீசர் பிரிவில் 44 இடங்களும், பாய்லர் ஆபரேஷன் என்ஜினீயர் பிரிவில் 33 இடங்களும் உள்ளது குறிப்பிடத்தக்கது. இது தவிர மருத்துவ அதிகாரி பணிக்கு 19 பேரும், அசிஸ்டன்ட் இந்தி ஆபீசர் பணிக்கு 19 பேரும், மேலாளர் பணிக்கு 6 பேரும் தேர்வு செய்யப்படுகிறார்கள். இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரம் வருமாறு:-

வயது வரம்பு:

விண்ணப்பதாரர்கள் 31-10-2017 தேதியில் 32 வயதுக்கு உட்பட்டவர்களாக இருக்க வேண்டும். மேலாளர் பணிக்கு 36 வயதுடையவர்கள் விண்ணப்பிக்கலாம்.

கல்வித்தகுதி :

பி.., பி.டெக் பட்டப்படிப்புகளை படித்தவர்களுக்கு பல்வேறு பணியிடங்களில் வாய்ப்பு உள்ளது. எம்.. இந்தி, எம்.பி.., எச்.ஆர்., எம்.பி.பி.எஸ். படிப்புடன் எம்.டி. படித்தவர்களுக்கும் பணியிடங்கள் உள்ளன. ஒவ்வொரு பணிக்கும் குறிப்பிட்ட அனுபவம் கேட்கப்பட்டுள்ளது. அந்தந்த பணிக்கான வயது வரம்பு, கல்வித்தகுதி, அனுபவ விவரங்களை முழுமையான விளம்பர அறிவிப்பில் பார்க்கலாம்.

தேர்வு செய்யும் முறை:

எழுத்துத் தேர்வு மற்றும் நேர் காணல் அடிப்படையில் பணியிடங்கள் நிரப்பப்படுகிறது. சில பணிகளுக்கு நேர்காணல் மட்டும் நடைபெறும். சில பணிகளுக்கு குறிப்பிட்ட உடல் தகுதி பெற்றிருக்க வேண்டும்.

விண்ணப்பிக்கும் முறை:

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். இறுதியில் விண்ணப்ப கட்டணம் செலுத்த வேண்டும். பின்னர் பூர்த்தியான விண்ணப்பத்தை பிற்கால உபயோகத்திற்காக கணினிப் பிரதி எடுத்து வைத்துக் கொள்ளவும். 18-11-2017-ந்தேதி விண்ணப்பிக்க கடைசி நாளாகும்.இதற்கான எழுத்துத் தேர்வு 10-12-2017 அன்று நடைபெற உள்ளது. இது பற்றிய விரிவான www.iocl.com என்ற இணையதள பக்கத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பொதுத் துறை வங்கிகளின் சிறப்பு அதிகாரி பணிகளுக்கான பொது எழுத்து தேர்வை ஐ.பீ.பி.எஸ். அமைப்பு அறிவித்து உள்ளது. மொத்தம் 1315 பணியிடங்கள் நிரப்பப்படுகிறது.


வங்கி சிறப்பு அதிகாரி பணிக்கான எழுத்து தேர்வு 1315 காலியிடங்கள் நிரப்பப்படுகிறது.பொதுத் துறை வங்கிகளின் சிறப்பு அதிகாரி பணிகளுக்கான பொது எழுத்து தேர்வை .பீ.பி.எஸ். அமைப்பு அறிவித்து உள்ளது. மொத்தம் 1315 பணியிடங்கள் நிரப்பப்படுகிறது.இது பற்றிய விரிவான விவரம் வருமாறு:-'இன்ஸ்டிடியூட் ஆப் பேங்கிங் பெர்சனல் செலக்சன் (.பீ.பி.எஸ்.)' அமைப்பு வங்கிப் பணிகளுக்கான தேர்வை நடத்தும் அமைப்பாக விளங்குகிறது. கிளார்க், புரபெசனரி அதிகாரி, ஸ்பெஷலிஸ்ட் அதிகாரி பணியிடங்களுக்கு இந்த அமைப்பு எழுத்து தேர்வு மற்றும் நேர்காணல் நடத்தி தேர்ச்சி பெறுபவர்களுக்கு மதிப்பெண் சான்றிதழ் வழங்குகிறது. இந்த தேர்வை அனுமதிக்கும் பொதுத்துறை வங்கிகளின் பணியிடங்களில் அந்த மதிப்பெண் சான்றிதழ்களின் அடிப்படையில் பணி வாய்ப்பு பெறலாம்.தற்போது .பீ.பி.எஸ். அமைப்பு 7-வது சிறப்பு அதிகாரி தேர்வுக்கான அறிவிப்பை வெளியிட்டு உள்ளது. இதன் மூலம் ஸ்கேல்-1 தரத்திலான 1315 பணியிடங்கள் நிரப்பப்படும் என்று உத்தேசமாக அறிவிக்கப்பட்டுள்ளது. பிரிவு வாரியான பணியிடங்கள் விவரம் வருமாறு: .டி. ஆபீசர் - 120 பேர், அக்ரிகல்சரல் பீல்டு ஆபீசர் - 875 பேர், ராஷ்டிரபாஷா அதிகாரி - 30 பேர், சட்ட அதிகாரி - 60 பேர், சட்ட அதிகாரி, எச்.ஆர்./பெர்சனல் அதிகாரி - 35 பேர், மார்க்கெட்டிங் அதிகாரி - 195 பேர்.21 பொதுத்துறை வங்கிகள் இந்த எழுத்து தேர்வின் மூலம் தங்கள் நிறுவன பணியிடங்களை நிரப்புகின்றன. இதர வங்கிகளும், நிதி நிறுவனங்களும் இந்த தேர்வு முடிவை பயன்படுத்திக் கொள்ளும் வாய்ப்புகளும் உள்ளன. எனவே விருப்பமானவர்கள் தேர்வை எழுதி பயன் பெறலாம்.இந்த தேர்வுக்கு விண்ணப்பிக்கத் தேவையான தகுதி விவரங்களை இனி பார்க்கலாம்...

வயது வரம்பு:

விண்ணப்பதாரர்கள் 1-11-2017 தேதியில் 20 முதல் 30 வயதுக்கு உட்பட்டவர்களாக இருக்க வேண்டும். அதாவது 2-11-1987 மற்றும் 1-11-1997 ஆகிய தேதிகளுக்கு இடைப்பட்ட காலத்தில் பிறந்திருக்க வேண்டும். குறிப்பிட்ட பிரிவினருக்கு வயது வரம்புத் தளர்வு அரசு விதிகளின்படி அனுமதிக்கப்படும்.

கல்வித்தகுதி:

கம்ப்யூட்டர் சயின்ஸ், கம்ப்யூட்டர் அப்ளிகேசன், இன்பர்மேசன் டெக்னாலஜி, எலக்ட்ரானிக்ஸ், எலக்ட்ரானிக்ஸ்-டெலிகம்யூனிகேசன்ஸ், எலக்ட்ரானிக்ஸ்-கம்யூனிகேசன், எலக்ட்ரானிக்ஸ் - இன்ஸ்ட்ருமென்டேசன் ஆகிய என்ஜினீயரிங் பிரிவு படிப்புகளில் முதுகலை பட்டம் பெற்றவர்கள் .டி. அதிகாரி பணிக்கு விண்ணப்பிக்கலாம்., அக்ரி கல்சர், ஹார்ட்டிகல்சர், அனிமல் ஹஸ்பண்டரி, வெட்னரி சயின்ஸ், டயரி சயின்ஸ், அக்ரி என்ஜினீயரிங், பிஸ்ஸரி சயின்ஸ், பிஸிகல்சர், அக்ரி மார்க்கெட்டிங் கோ ஆபரேசன், கோ ஆபரேசன் அன்ட் பேங்கிங், அக்ரோ பாரஸ்ட்ரி ஆகிய பட்டப்படிப்புகளை படித்தவர்கள் அக்ரிகல்சர் அதிகாரி பணிக்கு விண்ணப்பிக்கலாம்.

ஆங்கிலத்தை ஒரு பாடமாக எடுத்து, இந்தி மற்றும் சமஸ்கிருதத்தில் முதுகலை பட்டம் பெற்றவர்கள் மற்றும் ராஷ்டிர பாஷா அதிகாரி பணிக்கும், இதேபோல சட்டப்படிப்பு, எச்.ஆர். மற்றும் அது சார்ந்த படிப்பு படித்தவர்களுக்கும் பணி வாய்ப்புகள் உள்ளன. அந்தந்த பணிக்கான சரியான கல்வித்தகுதியை இணையதளத்தில் பார்க்கலாம்.

தேர்வு செய்யும் முறை:

எழுத்து தேர்வு மற்றும் நேர்காணல் நடத்தப்பட்டு தேர்ச்சி பெறுபவர்களுக்கு மதிப்பெண் அட்டை வழங்கப்படும்.

கட்டணம்:

எஸ்.சி., எஸ்.டி. பிரிவினர் ஊனமுற்றோர் ரூ.100-ம், மற்றவர்கள் ரூ.600-ம் கட்டணமாக செலுத்தி விண்ணப்பிக்க வேண்டும்.

விண்ணப்பிக்கும் முறை:

விருப்பமும், தகுதியும் உள்ளவர்கள் இணைய தளம் வழியாக விண்ணப்பங்களை சமர்ப்பிக்கலாம். புகைப்படம் மற்றும் கையொப்பம் அப்லோடு செய்ய வேண்டும் என்பதால் முன்கூட்டியே ஸ்கேன் செய்து வைத்துக் கொள்ள வேண்டும். இறுதியாக கட்டணம் செலுத்திவிட்டு, பூர்த்தியான விண்ணப்ப படிவம் மற்றும் கட்டண ரசீது ஆகியவற்றை கணினிப்பிரதி எடுத்து வைத்துக் கொள்ளவும்.

முக்கியத் தேதிகள்:

ஆன்லைன் விண்ணப்பப் பதிவு தொடங்கும் நாள் : 7-11-2017

ஆன்லைன் விண்ணப்பம் சமர்ப்பிக்க கடைசி நாள் : 27-11-2017

முதல்நிலை எழுத்து தேர்வு நடைபெறும் உத்தேச நாட்கள் : 30-12-2017, 31-12-2017

முதன்மைத் தேர்வு நடைபெறும் காலம் : பிப்ரவரி 2018

நேர்காணல் நடைபெறும் காலம் : பிப்ரவரி 2018

மேலும் விரிவான விவரங்களை www.ibps.in என்ற இணையதளத்தில் பார்க்கலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 3 November 2017

TNPSC CCSE-IV | குரூப்-4, கிராம நிர்வாக அலுவலர் பணியிடங்களுக்கான தேர்வை ஒன்றிணைத்து நடத்த டி.என்.பி.எஸ்.சி முடிவு செய்துள்ளது.


குரூப்-4, கிராம நிர்வாக அலுவலர் பணியிடங்களுக்கான தேர்வை ஒன்றிணைத்து நடத்த டி.என்.பி.எஸ்.சி முடிவு செய்துள்ளது. தமிழ்நாடு அரசுப்பணியாளர் தேர்வாணையத்தால் நடத்தப்படும் தொகுதி-4இல் அடங்கிய பல்வேறு பதவிகளுக்கும், கிராம நிர்வாக அலுவலர்  பதவிக்கும் நிர்ணயிக்கப்பட்டுள்ள கல்வித்தகுதி எஸ்.எஸ்.எல்.சி ஆகும். இவற்றை தனித்தனியே நடத்தும் போது தொகுதி 4 பணிகளுக்கு சுமார் 15 லட்சம் விண்ணப்பதாரர்களும் கிராம நிர்வாக அலுவலர் பதவிக்கு சுமார் 12 லட்சம் விண்ணப்பதாரர்களும் விண்ணப்பிக்கின்றனர். தேர்வுக்கு விண்ணப்பித்துள்ளவர்களின் விவரங்களைக் காணும்போது கிராம நிர்வாக அலுவலர் விண்ணப்பிக்கும் 60 சதவிகித அதே விண்ணப்பதாரர்கள் தான் தொகுதி 4 தேர்வு பதவிகளுக்கும் விண்ணப்பிக்கின்றனர்.இரண்டு தேர்வுகளையும் தனித்தனியே நடத்தும்போது ஒவ்வொரு தேர்வுக்கும் சுமார் 15 கோடி ரூபாய் வரை செலவாகிறது. மேலும் தேர்வாணைய பணியாளர்களுடன் இணைந்து 32 மாவட்டங்களில் வருவாய்த்துறை, கருவூலத்துறை, பள்ளி கல்வித்துறை மற்றும் காவல் துறை  பணியாளர்களும் இதர துறை பணியாளர்களும் சேர்ந்து பணியாற்ற வேண்டியுள்ளது. இதனால் பணம், மனிதவளம், கால விரையமும் கூடுதலாக ஏற்படுகிறது. மேலும் விண்ணப்பதாரர்கள் இரண்டுமுறை விண்ணப்பக்கட்டணம் செலுத்தி தனித்தனியே விண்ணப்பிக்க வேண்டியுள்ளதுடன் தனித்தனியே தேர்வுக்கும் தயார் செய்ய வேண்டியுள்ளது.மேற்படி தேர்வுகளை தனித்தனியே நடத்துவதால், விண்ணப்பதாரர்கள் இந்த இரண்டு பதவிகளில் தங்களுக்கு விருப்பமான பதவியை தேர்ந்தெடுக்க முடியாமல் கிடைக்கும் பதவியை தேர்ந்தெடுத்துவிட்டு பின்னர் அடுத்த தேர்வுகளில் மற்ற பதவியை தேர்ந்தெடுப்பதால் ஏற்கனவே இவர்களால் நிரப்பப்பட்ட பணியிடம் காலியாகி, சம்பந்தப்பட்ட துறையும் பணித்தொய்வுக்குள்ளாகிறது. நடந்து முடிந்த தெரிவுகளில் கூர்நோக்கும் போது 20% பேர் ஒரு தெரிவிலிருந்து மற்றொரு தெரிவினை தேர்வு செய்வது தெரிய வருகிறது. இதனால் 20% காலிபணியிடங்களுக்கு மீண்டும் தேர்வு நடத்த வேண்டியுள்ளது. இவ்விரண்டு தெரிவுகளையும் ஒரே அறிவிக்கையில் வெளியிட்டு ஒரே தேர்வாக நடத்துவதன் மூலம் விண்ணப்பதாரர்கள் இரண்டு முறை தேர்வு எழுதுவது, இருமுறை சான்றிதழ் சரிபார்ப்பிற்கு வருவது, இருமுறை கலந்தாய்வுக்கு வருவது முற்றிலும் தவிர்க்கப்படுகிறது. மேலும் 6 மாத கால அளவு விண்ணப்பதாரர்களுக்கு மட்டுமின்றி தேர்வாணையத்திற்கும் கால தாமதம் மற்றும் பணவிரையம் தவிர்க்கப்படுகிறது. மேலும் மற்ற தெரிவுகளில் அந்தந்த பதவிக்கான பணிப்பயிற்சி அளிப்பதுபோல், கிராம நிர்வாக அலுவலர் பணிப்பயிற்சி தனியே அளிக்கப்படுகிறது. இதனால் இதுகுறித்த பகுதி போட்டித்தேர்வுக்கான பாடத்திட்டத்தில் இருக்கவேண்டிய அவசியம் இல்லை என்றும் கருதப்படுகிறது.மேற்கூறிய காரணங்களை தேர்வாணையம் கருத்திற்கொண்டு மேற்படி இரண்டு தெரிவுக்கான தேர்வுகளையும் பொதுவான ஒரே தேர்வு (CCSE-IV) நடத்துவதன் மூலம் முடிவுகளை விரைவில் வெளியிட்டு விண்ணப்பதாரர்கள் விரும்பும் பதவியினை கலந்தாய்வு மூலம் தேர்ந்தெடுக்க வழிவகை செய்யலாம் என முடிவு செய்து அறிவிக்கை வெளியிடுவதற்கான நடவடிக்கைகளை மேற்கொண்டு வருகிறது. DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 30 October 2017

COMMON RECRUITMENT PROCESS FOR RECRUITMENT OF SPECIALIST OFFICERS | பொதுத்துறை வங்கிகளில் காலியாக உள்ள ஆயிரத்து 1315 சிறப்பு அதிகாரி பணியிடங்களுக்கான பொது எழுத்து தேர்வுக்கான அறிவிப்பை வங்கிகள் தேர்வு வாரியம் (ஐபிபிஎஸ்) வெளியிட்டுள்ளது.


பட்டதாரிகளுக்கு பொதுத்துறை வங்கிகளில் 1135 சிறப்பு அதிகாரி வேலைThe online examination (Preliminary and Main) for the next Common Recruitment Process (CRP) for selection of personnel in Specialist Officers' cadre posts listed below in the Participating Organisations is tentatively scheduled in December 2017/ January 2018.தற்போது மீண்டும் வங்கி வேலைவாய்ப்புக்காக காத்திருக்கும் இந்திய இளைய தலைமுறையின் ஆண்கள், பெண்கள் பயன்பெறும் வகையில், பொதுத்துறை வங்கிகளில் காலியாக உள்ள ஆயிரத்து 1315 சிறப்பு அதிகாரி பணியிடங்களுக்கான பொது எழுத்து தேர்வுக்கான அறிவிப்பை வங்கிகள் தேர்வு வாரியம் (ஐபிபிஎஸ்) வெளியிட்டுள்ளது. இதற்கு தகுதியான பட்டதாரிகளிள் ஆன்லைன் மூலம் வரும் நவம்பர் 7 முதல் 27க்குள் விண்ணப்பிக்கலாம் என தெரிவிக்கப்பட்டுள்ளது. வங்கிப் பணிகளுக்கு தேவையான பணியாளர்களை தேர்வு செய்து தரும் அமைப்பாக வங்கிகள் தேர்வு வாரியம் 'இன்ஸ்டிடூயூட் ஆப் பாங்கிங் பெர்சனல் செலக்சன் (ஐபிபிஎஸ்)' செயல்பட்டு வருகிறது. இந்தியன் வங்கி, கனரா வங்கி, இந்தியன் ஓவர்சீஸ் வங்கி உள்ளிட்ட 19 பொதுத்துறை வங்கிகளில் ஏற்படும் கிளார்க் மற்றும் புரபெசனரி அதிகாரி பணியிடங்களை நிரப்புவதற்கான பொது எழுத்து தேர்வு மற்றும் நேர்காணலை இந்த அமைப்பு நடத்தி வருகிறது. ஒவ்வொரு பொதுத்துறை வங்கிகளும் தங்களுக்கு தேவைப்படும் பணியாளர்களை இந்த தகுதித்தேர்வு மதிப்பெண் அடிப்படையில்தான் தேர்வு செய்கின்றன. நாட்டின் மிகப்பெரிய பொதுத்துறை வங்கியான பாரத ஸ்டேட் வங்கி மட்டும் பணியாளர்களை தேர்வு செய்ய தனியாக தேர்வு நடத்துகிறது. தற்போது பொதுத்துறை வங்கிகளில் காலியாக உள்ள 1315 சிறப்பு அதிகாரி "CRP SPL-VII" பணியிடங்களுக்கான 7-வது எழுத்து தேர்க்கான அறிவிப்பை ஐபிபிஎஸ் வெளியிட்டுள்ளது

மொத்த காலியிடங்கள்: 1315

பணி: சிறப்பு அதிகாரி (Specialist Officer)

பணி மற்றும் காலியிடங்கள்:

1. IT Officers (Scale-I) -120

2. Agricultural Field Officer (Scale-I) - 875

3. Rajbasha Adhikari (Scale-I)    - 30

4. Law Officer (Scale-I) - 60

5. HR/ Personnel Officer - 35

6. Marketing Officer (Scale-I) -195

சிறப்பு அதிகாரி நிரப்பப்பட உள்ள வங்கிகள் விவரம்: அலகாபாத் வங்கி, கனரா வங்கி, இந்திய வங்கி, சிண்டிகேட் வங்கி, ஆந்திரா வங்கி, இந்திய மத்திய வங்கி, இந்தியன் ஓவர்சிஸ் வங்கி, யூகோ வங்கி, பாங்க் ஆஃப் பரோடா, கார்ப்பரேஷன் வங்கி, ஓரியண்டல் பாங்க் ஆஃப் காமர்ஸ், யூனியன் பாங்க் ஆப் இந்தியா, பாங்க் ஆஃப் இந்தியா, தேனா வங்கி, பஞ்சாப் நேஷனல் வங்கி, யுனைடெட் பாங்க் ஆப் இந்தியா, பாங்க் ஆஃப் மகாராஷ்டிரா, ஐடிபிஐ, பஞ்சாப் மற்றும் சிந்து வங்கி, விஜயா வங்கி

தகுதி: பொறியியல் துறையில் CS, IT, EE மற்றும் ECE, Agricultural,  Horticulture, Animal Husbandry, Veterinary Science, Dairy Science, ஹிந்தி மற்றும் ஆங்கிலத்தில் முதுகலை பட்டம், சட்டத்துறையில் பட்டம் பெற்று பதிவு செய்திருப்பவர்கள், எச்ஆர், சந்தையியல் துறையில் எம்பிஏ  முடித்தவர்கள் விண்ணப்பிக்க தகுதியானவர்கள்.

வயது வரம்பு: 01.11.2017 தேதியின்படி 20 முதல் 30 வயதிற்குள் இருக்க வேண்டும்

தேர்வு செய்யப்படும் முறை: வங்கிகள் தேர்வு வாரியத்தால் (ஐபிபிஎஸ்) நடத்தப்படும் முதல்நிலை தேர்வு, முதன்மைத் தேர்வு மற்றும் நேர்முகத் தேர்வு. சான்றிதழ் சரிபார்ப்பு மூலம் தகுதியானவர்கள் தேர்வு செய்யப்படுவார்கள்.

எழுத்துத் தேர்வில் பொது அறிவு, பகுத்து ஆராயும் திறன் (ரீசனிங்), அடிப்படை கணிதத்திறன், பொது ஆங்கிலம் ஆகிய 4 பகுதிகளில் இருந்து 'அப்ஜெக்டிவ்' முறையில் கேள்விகள் கேட்கப்படும்.

விண்ணப்பக் கட்டணம்: பொது மற்றும் ஓபிசி விண்ணப்பதாரர்கள் ரூ.600 கட்டணமாக செலுத்த வேண்டும். மற்ற அனைத்து பிரிவினரும் ரூ.100 செலுத்தி விண்ணப்பித்தால் போதுமானது. கட்டணங்களை ஆன்லைன் முறையில் செலுத்தலாம்.

விண்ணப்பிக்கும் முறை: விருப்பமும், தகுதியும் உடைய இளைஞர்கள் அதிகாரப்பூர்வ www.ibps.in என்ற இணையதளத்தின் மூலம் ஆன்லைனில் விண்ணப்பிக்கலாம். எதிர்கால பயன்பாட்டிற்காக பூர்த்தி செய்யப்பட்ட விண்ணப்பத்தை 2 கணினி பிரதிகள் எடுத்து வைத்துக் கொள்ள வேண்டும்.

ஆன்லைன் விண்ணப்ப பதிவு தொடங்கும் தேதி: 07.11.2017

ஆன்லைனில் விண்ணப்பிப்பதற்கான கடைசி தேதி: 27.11.2017

முதல்நிலைத் தேர்வு நடைபெறும் தேதிகள்: 30.12.2017 மற்றும் 31.12.2017

முதன்மைத் தேர்வு நடைபெறும் தேதி: 28.1.2018

மேலும் முழுமையான விவரங்களை http://www.ibps.in/wp-content/uploads/IBPS_CRP_SPL_VII_Detail_Advt.pdf என்ற அதிகாரப்பூர்வ இணையதளத்தில் கொடுக்கப்பட்டுள்ள அறிவிப்புக்கான லிங்கை கிளிக் செய்து படித்து தெரிந்துகொள்ளவும். DOWNLOAD

விரிவாக படிக்க இங்கே கிளிக் செய்யுங்கள் | READ MORE | CLICK HERE